可能估錯底了

上兩個星期跟戰友門由21300一路沽到昨日底點18622，大勝2600點。可能一時開心得濟，玩估底。雖然各樣數據都講比大家知可能真係會反彈，但到個底可能比我之前講仲差少少。

星期五當日其實經已大量高頻交易盤買緊貨，包括941/5/939。但買貨同埋聽日升唔升係兩件事泥既。

而我星期5跟據個人的估市系統指出今浪短期大底係18610（而且向下中）。 當日見到恒指到了18622之後即刻反彈，以為真係到底，平淡買貨。但睇情況可能星期一至三都似向下多，而真正反彈係星期4開始到6月初。而星期一至三可能會挑戰多底部18580/18300。

而最近發現一些有趣的資料，上圖係由09年拉上去上升軌，上升浪一直沿住上升軌連行,，但從未跌穿，即使上次跌到16000點。而由24000拉下去，你會發現個頂係22000；而由30000點最高的那一點拉下去，你會見到22500。而有趣的是，高底位跟小弟的個人測市系統高底位一樣。難道這是今年的高位及低位嗎？

星期一將會日食，依張係上次日全食圖 2009年7月22日， 大家留意一樣野， 上次係每7日必開陰燭(只有一日開小陽)， 開夠7次， 即合易經中的77, 49日， 而49完成整個cycle。而大陸A股亦有相同現象, 但A股係日食當日係升, 但之前果日係跌, 之後短暫爆升, 之後逄7必跌。

 而明天一樣係日食，到底升定跌，我唔知。但如果21-23係升，之後兩日應該係跌。如果21-23係跌，之後幾日都幾大機會升。而反彈目標可以先暫時睇19700，但最賤可到20600。但我覺得後者機會大D。而真正反彈係星期4開始到6月初。但彈完會再散，發生日期可能5/6日前後三日。

雖然可能估錯底，但離底亦不遠。