騙局中的騙局(3)-美元博奕 之七傷拳

在騙局中的騙局(2)-美元博奕中，小弟經已說明美國的陰謀。而近期的事況發展令局勢愈泥愈明顯，美國係時候出七傷拳。

七傷拳係崆峒派傳世武功，「一練七傷，七者皆傷。這七傷拳的拳功每深一層，自身內臟便多受一層損害，所謂七傷，實則是先傷己，再傷敵。」

「七傷拳並不是不能練，只是練七傷拳有一個先訣條件，那就是內功一定要非常高。」

而美國在騙局中的騙局(2)-美元博奕中一文講到：

 「歐洲慢慢穩定下來，所謂的危機亦慢慢消失／暫時解決。美國隨即不再OT了，取而代之係出QE3及QE4, 長債加碼買！長債卻要繼續買還要加碼，長息要一直壓低不難明白，也表示美國經濟要一直以低息去維持經濟增長，同埋希望美元長期貶值的決心。 但同時間，

但既然禁著數，用人地流入既錢，去幫佢地做OT，同埋買債，何必仲做QE3/QE4，叫人地買咪得！大家留意一點！同時間歐元／美元開始回升到1.3樓 上，即意味住咩？可能係之前留左去美元既錢，流回歐洲及其原本的地方！或者聯儲局明白到／預期沒有人會湧入來大幅買債了呢！所以不能再繼續OT「沽短債、 買長債」，反而要做QE3/QE4去頂住！既然係禁，即係點呢！意思係美國需要危機去引導外國既資金重新流入！而個危機不外係日本／歐洲。」

 今日美國既講退市，債市大恐慌。而聯儲局手上有大量美債係手，當利率一上揚，聯儲局既利息資出會大幅增加，而且股市升係因為之前QE做成大量既資金抄起，今次美國真係會爆？小弟認為不會，因為美國佬會出絕招七傷拳！

 係退市既同時，大陸同歐洲都出現不同既危機，包括同業拆息升高，大陸地方債，光大違約，希臘左派退出聯合政府等等，點解禁巧合？全因七傷拳！「七傷，實則是先傷己，再傷敵！」因為美元的獨有地位，美國佬只要自傷，引爆自己既炸彈，只要其他地方（歐洲及亞洲）危機比我更大，就會可以將全球資金流入美元及美元資產！流入既時間，美元會強勢（即我賣比你資產係貴賣），之後當佢自爆既時間，美元跌，美元資產比人沽售（即我買返自己資產係平買）！

 禁又有咩啟示，今日美國自爆完！而美國七傷拳仲未打出，表示咩？即後面仲有更大既危機出緊泥！禁睇返股市，請問閣下認為到底到左未？

 到底？起碼等7月中至8月頭！目標？如果七月頭見到穿20000就187！牛三？等9月啦！