人類總要重複同樣的錯誤

原本好多野做，唔好算寫BLOG，但見愈泥愈多人懷疑，我就簡單寫幾句。

我今日同我朋友講跌，佢同我講「你傻架，港股好強，你睇今日收21680！無得輸，全世界係禁印銀紙，你仲唱淡？」

我：「禁你睇港股會升到幾多？」
朋友：「起碼睇22000，有人講28000添！今次牛三返泥啦！」
我：「我想問歐債解決左未？希債解決左未？你知唔知希臘CDS依家幾多點？你覺得歐債解唔解決到」
朋友：「理得佢解唔解決到，市場一早預左啦，唔會再跌！而且今晚出左LTRO，乜事都無啦！」
我：「你認為真係出左LTRO真係咩事都解決到？ 希臘主權評級由「 CC」級降至「選擇性違約」啦，依家班大戶分分鍾無得Claim CDS，就算賠，可能會Claim爆莊！」
朋友：「美國經濟復蘇啦，無問題！」
我：「但經濟都唔好Wo，波羅的海指數得700點渣，而且歐洲央行預測今年經濟得0.5%增長渣！」
朋友：「分析要基本面，要睇下公司業績，你睇匯豐既業績勝過預期！」
我：「 匯豐業績其中最大令好既因素係撥備減少及公平值的因素。仲有，你最近有無發覺好多公司發左盈警，意未住D咩？」
朋友：「超！玖紙又咪爆升， 盈警又點？加上港股唔會跌，你睇行左4000點都唔會頭，跟本唔會回頭，直上22000！」
我：「哦．．．．．．」

一月份全城看淡，個個以為先低後高；今日同你講跌，無人信，之後結果會係點呢？

三月將會是屠牛月！？

今天恒指下跌189點，國指跌149點，成交增至645億，屬散水日。股票升：跌比例為大約1：2.2。

其實港股經已到了一個危險的情況，三月可能會進入我之前所講的大跌。

1. 歐洲銀行將於三月進行換債。換言之歐洲銀行該月的資本將會受到重大打擊，必須要調動大量資金回到本部以作不時之需。而香港正正是國際的ATM中心。
2. 三月大量藍籌股將會派息除淨。港股上升動力會因除淨因素而有所減弱。
3. 歐洲其他豬，包括意大利將會大量國債到期，到時可能會產生另一震盪。
4. 恒指目前處於高位，於低位經已上升4000點，短期有一定回吐壓力。

港股經已到了一個非常超買的階段，短期有一定回吐壓力。而其實恒指外強中乾，試問減了IRR之後，最受益的內銀股上升了多少？什麼因素阻礙了內銀的上升？而二三線股派貨味極濃，就以龍工為例，先大幅抽升（三個白武士），之後一個大陰燭破了三個白武士的最低位，你認為大戶做了蟹嗎？一早經已派曬比散戶了。

另一方面，美國經濟亦不好過，首先，斷供或過期供款的按揭人士逾600萬；負資產個案逾1,000萬或佔按揭市場28%；美國樓價中位數乃01年以來低位；汽油零售價格逼近4美元，還有高失業率（8%以上失業率仲叫好？)。波海乾散貨運指數繼續沉底，現在700點。2010同期約2000點以上;2011同期約1200以上。試問美國是全球一個進口及消費大國，難道你真相信美國國內的製造業真的增長到可令波海乾散貨運指數大跌差不多一倍？美國經濟有幾好心照啦！

而全球最牛既投資工具，必定數希臘CDS為第一。今日又破新高！比上一次高位於11310，今次13836。上次CDS創新高，大市跌到16000，今次係唔係唔洗驚？你覺得呢？

聽日期指結算，港股仍受期結影響可能都會企於高位。但我經已說過，如果港股於高位期結，下個月港股將會很慘！而我早前所講的預測：
”最後，相信暫時短期目標係回反到0.382，即恆生指數19579。亦有再夾淡倉上21400~21600，再下跌。而終極目標係15400(24962/1.618)或更低。總括而言，大市易跌難升，大家小心。 ”http://dragon-stock.blogspot.com/2012/02/blog-post.htmlhttp://dragon-stock.blogspot.com/2012/02/blog-post.html

最遲下星期，大家會見到恒指向下走了。HSBC業績未得閒睇，不過你睇依家ADR就知唔方好！（好班大戶仲唔追咩！）

Eric Lau

何為邪鬼何為神，神鬼如何兩不分

今天恒指微升25點，國指跌24點，成交616億，跟昨天相若。股票升：跌比例為1.5：1。滬深300指數上升1.6%。

恒指仍受結數因素形響，大部份時間處於21300~21500內運行 。前日思捷其實被夾經已預料之內，大家可以到輪商的網頁看看多少人做了思捷及騰訊熊證，你就明白為什麼業績差，仍能大幅上升。再次引證市場只是一個零和遊戲，永遠只有少數人獲勝。

另一方面，除了歐洲之外，中國經濟其實經已開始出現問題。GDP的計數方法係GDP = C + I + G +（X-M)。過去中國政府是通過加大investment及government purchases去保持GDP增長。而Net Export亦是中國經濟核心之一。但試問中國過去一年出口如何？而且中國政府自高鐵叫停之後，相信今年中國經濟是不好過的。而且面對高通賬及銀行收緊信貸的環境，企業經營難上加難。而這論點亦由中國龍工及一眾水泥股的業績得出引證。你可見一眾水泥股第四季的銷售額比前三季大幅下跌，而龍工亦係基建相關的股票。雖然小弟可能忽略了季節性的需求及其他可能影響業績的因素，但某程度亦可引證中國政府的基建投資開始減少。

另一方面，不經不覺，希臘CDS亦創了新高。但我唯一看不通為何歐元這幾天會大幅抽升。另外，匯豐星期一會公佈業績，可能淡友還要忍一忍。因為可能大戶要夾匯豐淡倉。 

另外，小弟依幾日見到香港「龍豬」事件，有感而發。只想起今年頭車公靈簽

何為邪鬼何為神，神鬼如何兩不分；
但管拒邪修正處，何愁天地不知聞。

解曰：凡事皆吉．
斷曰：家宅不和．占病不妙．自身不吉．出入不安．婚姻不合．求財不得．忠奸不分．顛善倒惡．愛出風頭．非改不可．

家和萬事興，自九七回歸後，終日爭吵不停，仇富情緒上升。但小弟反問一句，當你高呼自由萬歲，享受自由經濟的時候，為何又自相矛盾反對地產霸權？ 小一點紛爭，多一點建議，學懂尊重另人，學習多角度分析，不要怨天怨地，不要聽某些人胡說八道。

香港經濟跟本問題源於2000年居港權，一班所謂愛港議員引入內地大量移民，亦為香港廉價勞工，亦引起社會資源分配／配套不足的問題。今日則怪責政府無能，賊叫捉賊！

1999年，時任保安局局長葉劉淑儀在立法會指出政府統計署以「抽菲林筒」方法再加上其它推算，估計在10年內會有167萬人可從中國移居到香港，這將會為香港社會帶來沉重的人口壓力[14]。

5月6日，行政長官董建華在立法會答問大會上說：「167萬人十年之內全部來港，後果是不堪設想的，社會顯然很難承受因終審法院的裁決而帶來的人口壓力」，並謂「多年以來透過香港人的努力，我們已逐步將香港的生活質素提高，我們不可以讓這些成果付諸流水」[15]。同日，政府向立法會提交〈終審法院對居留權事宜的裁決：服務評估〉，指出香港未來10年因此需要興建數目龐大的學校、公屋和醫院等基建設施和負擔福利開支，涉及額外7100億港幣財政預算（相等於政府當時庫房約4000億儲備近兩倍之鉅），並且每年需要330億額外經常性開支運作。該文件仔細地描述了 167萬新移民為香港所帶來的鉅大衝擊，由於他們多屬低學歷和低收入，所以極有可能會加重政府負擔、拖慢香港發展以知識型經濟為本的

香港會成為國際的ATM中心嗎？

今天恒指低開21339點，結果升70點，國指升133點（1.15%)，成交增至704億；股票升：跌比例為2.5：1。滬深300指數升1.37%。有傳上海放鬆樓市調控，內房相關股票大漲。

昨日跟今日恆指都係跌唔穿昨日低位21221。而且都是先低後抽高。簡直只可以用Chok泥形容。今日小弟睇住個市，簡直心煩。但當冷靜返之後。細心一睇一些有趣的資料。

1. 恆指成份股17隻下跌，28隻下跌。本地地產／銀行皆下跌；內地地產股及電信商上升。
2. 恆指打唔破昨日低位，亦都升唔上21600。
3. 成交比昨日輕微增加。
4. 熊證大幅減少。
5. 希臘CDS大幅上升
6. 三月大量歐債到期
7. HSBC的業績跟期指結算是同一日

 首先，樓市不是小陽春嗎？其實小弟認為假如香港樓市是沒有事的話，地產商不會減價散貨。雖然香港的樓市市場因大量內地人帶動需求。但大家只要回想1997的時候，你就可以預測到樓市的走勢將會如何。但小弟認為今次未必會產生恐慌扔售，因為今次樓市因之前政府的調控，相對健康不少。

回正題，跟據以上所講樓市只不過是回光反照。而今日亦正好引證我的論點。今日其實跟星期一的情況很相似，試想想，假如港股是很強，今日為何HSBC及一眾”基本因素”極佳的地產股為什麼不一同上升？

另外，HSBC的業績大家都不要有太大寄望。大家可以參考下巴克萊銀行及美國一眾投行／銀行的業績，就可以略知一二。

小弟認為昨日跟今日的倒頭回升，可能是跟期指結算有關。但假如今個月期指以高位結算，那麼香港可能於三月會跟李小加所講一樣，跟國際接軌，成為國際的ATM中心。 

 

美國失業率下降？另一危機醞釀中！

奧巴馬總統今年1月的《國情咨文》提及，去年商界創造了自2005年以來最多的新職位；美國勞工部公布，1月份失業率跌至8.3%，遠好過市場預期。官方 數字顯然告訴民眾，就業市場已比經濟早一步開始「復蘇」。但實情不是如此，以下是引用今日信報的資料 。

”截至2011年底，18至24歲年齡組的失業率（目前失業並積極尋找工作者相對人口比率）高達16.3%，遠遠超過25至29歲組仍是雙位數的10.3% 和總體失業率的8.8%【圖1】；就業率（在職人數相對人口比率）方面，18至24歲年齡組亦是所有組別中最低的一組，就業人數相對人口比率僅54.3% 【圖2】，是自從1948年政府開始統計的最低數字，與全體就業率比較亦創了1948年以來的最大差距紀錄。”
 http://www.hkej.com/template/dailynews/jsp/detail.jsp?dnews_id=3330&cat_id=7&title_id=493384

另外，跟據信報文章中顯示，所謂失業的附帶條件是那些「真正想要工作」（really want employment）的成年男子。即那些長期找不到工作（三年以上）的市民，經已不在統計之列。亦因此，美國的失業率亦因此大幅下降。

另外，因為青少年高失業率，就業不足(underemployment)及工資下降，亦可能成為下一個危機-學生貸款的爆破。跟據網上的資料，美國未償還的學生貸款債務總額正在逼近1萬億美元，是15年前的15倍，還遠遠高於7980億美元的信用卡貸款總額。


除了歐債危機，另一危機亦在醞釀中！


 

散戶大叫22000，大戶今日食羊扒

 
Wall Street never changes, the pockets change, the stocks change, but Wall Street never changes, because human nature never changes.
 

今天恒指跌66點（高開至21,760點，實則下跌336點收21,424點），國指跌42點，成交增至705億；股票升：跌比例大約為1：1。滬深300指數也是高開平收，成交增加。而千呼萬喚終於出來的存款準備金率, 於星期六晚上終於公佈了。於2月24日開始, 將會下調0.5個百分點。預計各銀行總計,大約會釋放4000億左右的流通性。

小弟經已由21000己經叫大家小心，原因如下經已在早前分析過（ http://dragon-stock.blogspot.com/2012/02/blog-post.html）。小弟依幾日變左過街老鼠，每日不停比網友批評，責罵。當小弟昨日見到討論區的網民不停高呼22000。某討論區會員更問侯小弟全家，叫小弟回家自慰。更指出於2007年大牛市不用回調，今次又何嘗不可？

今日係一個特別的日子。

第一 ：今日一開市21760，但收市終是升不穿21635 ，而21635恰好與24946跌王16140 的0.618反彈位置。 該位阻力極大，是上年下跌前時所謂的鐵底，而今日經已變成鐵頂。


第二：今日美股假期，而且好消息下跟本恆指理應升可以無顧之下升到22000或以上。但為什麼今日會倒跌？而且有幾多人今早買了貨？



第三：有網友告訴我，前兩日有位講粗口問侯我既網友係某討論區原本是唱好，今日叫開post叫人小心。

 第四：希臘今晚做表決。不過不知大家還記得希臘還未跟債權人進成談判嗎？你知道依家希臘CDS升到高位嗎？

不過亦感謝鬧我的人。因為股市是Zero-Sum game。如果所有人都信我的話。小弟則成了大輸家了。因為有你，小弟才可股市賺返零用錢。多謝曬！有人提醒小分要順勢而行，小弟亦係海龜的信徒。但今時今日，因為股市上落太大。如果墨守成規，必成大戶點心。記得索羅斯名言「我多順勢而行，但會一直警惕自己是與羊共舞，不停尋找轉角位。要走在曲線之先。我留意趨勢向我暗中報訊，何時力盡轉勢。然後，告別羊群，另覓良機。」

 最後，用返我第一篇博文（於2月11日寫)的總結：
相信暫時短期目標係回反到0.382，即恆生指數19579。亦有再夾淡倉上21400~21600，再下跌。而終極目標係15400(24962/1.618)或更低。總括而言，大市易跌難升，大家小心。
http://dragon-stock.blogspot.com/2012/02/blog-post.html

「何謂邪鬼何謂神，神鬼如何兩不分」車公真準！而我亦都決定，以後唔對任何不善意回覆作回應。

連升七週，無人信跌！

原本打算星期一晚再更新。但因為有人在我的Blog留言話我睇錯市，所以我決定今日更新。

首先，先講一個心理學的理論。 
 ”在選擇性認知理論(Selective Perception)中：群眾會選擇性的曲解資訊，並攻擊消息來源的可信度，也就是說，咱們只會選擇自己想聽的、想看 ...”

今日打開報紙，所有資訊都係講恆指連升七週，目標價23000，恆指超值等．．大家係唔係認為希臘就算爆煲，就算評級機構又減主權評級都係無事呢？當你有這樣的想法的時候，大市好快會見頂。

散戶就是永遠都係羊。當大市跌到16200，如果我唱好，你會鬧我；當大市見頂的時候，我唱淡，你又會鬧我？順勢而行？好快你就會順勢而夾。有人叫我睇Cup Sir個Blog，但你有無留意佢經已加大佢現金水平，你自己諗下點解。

美股正在處於歷史高位，你再睇下IBM/Apple升左幾多，同時再睇下一眾金融股升左幾多？托Apple/IBM/Intel，散其他股經已公開秘密 。再回想一下，假如希臘爆煲，恆指係唔係仲爆升？

恆指經已連升七週，無人再會信會跌。股市永遠只有小數人可以獲利。21600經已一早預料左，一早經已寫左出泥；但大家永遠只信一半，無人信跌果一半；大家都係選擇性認知。只信好，不信差。

可能我係 選擇性認知向淡，但試問恆指由18000升到21500，不用回調／不用調整嗎？

自問自己憑良心寫Blog，不信自便。我仍舊向淡。 最快星期一，最慢3月5日，必定轉勢！

強烈支鬧我既人，買多D貨，借重孖展，唔渣正衰仔！

驚蟄，熊會醒來嗎？

當你睇到上面張圖，你可能會嘩一聲。當你沉醉於所謂的牛市既時候，世界經已變天。依家既升市，只係為左夾淡友。你可以睇下希臘CDS，依家經已由返去11~12月的高位。但當報紙，電視講比你聽希臘CDS爆升，經已大遲。

另一方面，我今日係Facebook到講，大跌可能要習近平回國之後，個市先可能轉勢。依個係國情問題，每次國家領導人出國，中國股市及人民幣總會向好。但依個亦支持我向淡的論點。大家可以查一下恆指21500的時候，上證幾多點。當全世界股市都收復失地，唯有上證依然大落後。再睇返同習近平好老友既吉利，今日都升得不錯，但上證今日依然走勢好差，點解？你覺得大陸班大戶諗緊咩？經濟係唔係真係復甦？

而另一陷阱，二三線股大屠殺。早幾日報紙，專家同大家講，抄股不抄市，買入二三線股，買咩都升，隨便買。 大量散戶有見二三線狂升，市況牛皮之際，買入二三四線細價股。試問今次升浪，幾多老千股升左上泥？所以今次，如果真係不幸被我言中向淡，不少買了二三線的股民又做蟹了。

但大市依然做淡者多，短線可能仲可能會夾倉，順帶一提2月19日係中國歷法係雨水，3月5日惊蛰，驚蟄，古稱「啟蜇」，二十四節氣之一。《月令七十二候集解》：「二月節……萬物出乎震，震為雷，故曰驚蟄，是蟄蟲驚而出走矣。」係依一日，所有冬眠既動物都會開始醒來。包括熊。而依兩日亦係江恩理論所講既轉勢日，不知3月5日那沉睡的熊仔，會醒來嗎？

Eric Lau

Erictrade1031@gmail.com

危機處處，小心中伏

今日全日係屋企睇住個市，發現今日真係為夾而夾。首先，今日一早由10點開始爆升，由一股地產股帶領。我自己睇住個報價幾個字禁殺上去，之後都好驚。心諗大獲。曾經都猶豫過到底走唔走好。之後決定唔走，順勢買入6030/17/1200/232等股（我寫左係我facebook)，抄個即日仙。

點解我覺得係夾？首先，今日出左消息講日本QE。其實日本同英國最近依幾年都QE 左幾次，但係每一次都其他國家影響都唔算太大，但今次做到好似有美國出QE 3一樣，好似講比你聽今次係大牛市一樣。另一方面，大家覺唔覺希臘果邊好似無曬消息，係唔係搞掂曬？上面張圖就係希臘CDS張圖，得2/9果日話過左國會果日跌左跌之外，其他日子都係升左上去。下，唔係完左啦咩？

以下係今日新聞既節錄：

歐元區主席榮科（Jean-Claude Juncker）表示，由於希臘政治領袖們對撙節案執行「還沒有清楚交代」，仍無法滿足全部的紓困條件，歐元區將推遲討論拯救希臘計畫。

身兼歐元區主席、盧森堡總理榮科說，歐元區仍不清楚希臘計畫如何填補緊縮計畫中短缺的4億美元，希臘政府也仍沒有向他說明將如何執行緊縮計畫。

榮科說：「在這樣的背景下，我們決定將歐元區17國原定於明天（15日）召開的例行性會議改為視訊會議，重點討論尚未解決的問題，並為20日即將舉行的例行性財長會議做準備工作。」換言之，歐元區17國財政部長原預定15日集會，討論希臘第二波紓困案，如今這項會議已被取消。 

 http://tw.news.yahoo.com/%E5%B8%8C%E8%87%98%E6%92%99%E7%AF%80%E6%A1%88-%E4%BA%A4%E4%BB%A3%E4%B8%8D%E6%B8%85-%E6%AD%90%E5%85%83%E5%8D%80%E8%B2%A1%E9%95%B7%E4%B8%8D%E9%9B%86%E6%9C%83-%E7%B4%93%E5%9B%B0%E6%A1%88%E7%94%9F%E8%AE%8A-023054527.html

當大家正在興奮，正在開香檳的時候，危機遂漸逼近。你睇返最迎美股，歐洲，同埋大陸，好似都無恆指禁牛。今日既升，係因為大家仲未相信個市係真係升。大戶要逼你地相信個市仲係要升。今日我係Uwants比一個Member鬧，我就知道經已有一班人經已準備成為大戶既點心，每當所有人以為回補21500~22000裂口既時間，當班淡友投曬降，就係下趺之時。唉，我都想你地快D投降><。

夾上21600經已一早預料之中（pls read:http://dragon-stock.blogspot.com/2012/02/blog-post.html)。事情正在跟劇本行，依然等，等待那一天的來臨。

P.S.　我可能係錯，請獨立分析，勿盲目分析

本網頁屬個人網誌，一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無涉。(投資涉及風險，證券價格可升可跌) 

Quick update 2- 2012-2-15

我明你好懷疑我, 係唔係睇錯, 老點左你
第一: 我一早經已講過, 恆指有可能先升21600
第二: 你話升21600仲入熊? 因為我唔可以100% sure 會唔會禁玩, 我都只係估
第三: 既然我估中左佢先升, 點解我唔可以估中之後既劇本
第四: 就算比你知我入幾多熊, 但係每個人承受既風險唔同, 今日我都輸2000幾, 但係點解我唔走?
如果我依家反手入牛, 好易比人左一把, 右一把。
第五: 今日升左禁多, 你會唔會真係睇錯?
我當然有可能睇錯, 今日見到升400幾點, 你話我驚唔驚? 我都驚, 但係我又諗, 依家仲有邊個夠做淡? 個個都覺得會升, 包括你同我。 到你入重貨, 一野殺落泥, 無仇報。你試下問自己, 你覺得依家有人同你講, 跌, 你仲信唔信?
第六: 請大家獨立分析, 我只係將我既分析同意見寫出泥, 唔一定岩

溫馨提示: 我係到寫個blog, 只係我個人分析/個人買賣記錄, 請獨立分析!

Quick Update 2012-2-15

 Quick Update

以下節錄我的文章
http://dragon-stock.blogspot.com/2012/02/blog-post.html
"首先，在一月之前，全前看淡第一季，不少基金手持大量現金。但當經歷一月份的大升之後。大量基金入市追貨，令到雞犬皆升。但到底有咩原因，令到港股大升？小弟傾向相信「大市要你滅亡，必先令你瘋狂」。假如一月或二月一開始大跌，跟本無對手。股市市場係Zero Sum game，只得小數人係贏。大戶要你輸，必先引你入局。而且，個市依家跟本隨時可以大跌，因為大戶假如要殺班基金，只要用希臘既消息，一野殺落泥，跟本無仇報。連續幾天高成交無法衝破21000點，幾天大成交，開始派貨的感覺。

最後，相信暫時短期目標係回反到0.382，即恆生指數1957 9。亦有再夾淡倉上21400~21600，再下跌。而終極目標係15400(24962/1.618)或更低。總括而言，大市易跌難升，大家小心。"

http://dragon-stock.blogspot.com/2012/02/blog-post_14.html
Wall Street never changes, the pockets change, the stocks change, but Wall Street never changes, because human nature never changes.　人總是重覆犯錯，每次總係成為大戶的點心。群眾共同相信，共同決定的東西，大部份都未必是正確的。大戶依家就係洗緊你腦，等你有好強既信念，定你覺得大牛市返左泥！
總括而言, 我個人認為今日好大機會已係最後一升, 今日目的是夾淡倉。我之前幾日前, 經已講過, 大市會夾淡倉上21400~21600就係禁解。目的係要你地信, 今日好明顯好多基金見到破21000 之後, 個個都急住追貨, 所以夾左上21300。 試問依家你仲敢做淡嗎? 如果我買熊, 我依家都會平左啦。但假如過兩日, 一野插500點落泥, 所有人都無仇報。淡友走曬, 好友死曬。最後笑到最後, 只係大戶。

不過我都可能睇錯 , 大家注碼要好好控制

 

大戶托市沽貨，小心與羊共舞

今天恒指微升30點，國指微跌54點，成交縮至559億；股票升：跌比例為1：1.4。滬深300指數跌0.39%，成交縮減。

 今日發生幾件值得注意的事:

•  社保基金減持工行中行
•  地產股領升
•  部份二三線股票開始下跌
•  穆迪聲稱可能會降英國主權評級，並調降意大利、西班牙、葡萄牙的主權評級

 
 首先，大家可能認為個市底仍然好強。每次即使遇到什麼消息，大市依然高居不下。昨日我經已說過，大戶其實經已在高位散貨。最近幾個交易日，恆生指數皆在20700~21000之間上落，而傳統智慧告訴我們，破20600就是向淡，而破21000就是向上。假如你係大戶，可能性如下：

1.  破20600向淡發展
2.  破21000向上發展
3.  先破21000，引班淡友變好友，之後一野急插20600 

假如你係大戶，你會點做？

 「我多順勢而行，但會一直警惕自己是與羊共舞，不停尋找轉角位。要走在曲線之先。我留意趨勢向我暗中報訊，何時力盡轉勢。然後，告別羊群，另覓良機。」；大戶其實每一次都係用同樣既招數，不停教育及洗腦，令你相信目前的假象。上面提及的任何一個消息，足夠港股插返落19000。點解唔跌，未引夠D羊/等待一個時機。Wall Street never changes, the pockets change, the stocks change, but Wall Street never changes, because human nature never changes.　人總是重覆犯錯，每次總係成為大戶的點心。群眾共同相信，共同決定的東西，大部份都未必是正確的。大戶依家就係洗緊你腦，等你有好強既信念，定你覺得大牛市返左泥！

維持原判，今日加左22000熊
我可能會錯，大家要控制注碼。

For more information: http://dragon-stock.blogspot.com/2012/02/blog-post.html

今日情人節，今日睇左篇新聞
http://www.sharpdaily.hk/article/index/4104/20120214/53641/


"因為身患絕症，忍痛向另一半提出分手，不是拍戲才有的催淚劇情。25歲的阿星跟女友Avis才相戀兩個月，便證實患上血癌，在琴行教結他的阿星，原本每月約有10,000元收入，自從患病後便無法工作，由於家人經濟環境亦不理想，阿星只能依靠20萬元危疾保險金，連同每月2,800元傷殘津貼過活。

醫生建議阿星轉服的血癌標靶藥DASATINIB，須病人自費購買，每月藥費2.7萬元，阿星的積蓄僅能支持半年藥費，即使成功移植骨髓，也要休養半年至一年才可復工，因此有賴善心人援手。"

網上捐款：
http://charity.appledaily.com.hk/donate

今日係情人節，希望大家將你們的愛，分享給這對愛侶。

大戶洗緊散戶腦

Quick Update:
大戶正在洗緊散戶腦，我認為佢想令你相信個市必定升硬，想比你知道大市個市底超強，跌唔落。

相信個市有機會穿上21000，最樂觀可見21600，令到大家都相信個市係「真升」，引曬班散戶，基金買貨，同時可以夾死埋班淡友。

策略：今日最加注 小量熊

牛熊線假突破非吉兆？恆指Kiss goodbye？

 200 MA Kiss Goodbye

以下節錄今日蘋果

"投資者向來視 250天平均線為牛熊分界線，其威力近年猶在，去年 6月恒指跌穿牛熊線後， 7、 8月兩度向上挑戰該水平不果，恒指隨即大跌，直至對上一周才再度挑戰 250天線（現延伸至 21012點），但全周一直受制於該水平，相信恒指一旦稍後成功突破，便會刺激起投資者的樂觀氣氛，齊齊入市「鬥湧」。"

以250天平均線為牛熊分界線基本上係一個錯誤。首先，美國主流投資者一般使用的是200天均線作為分析。而且即使大市升穿250天均線，亦不代表牛市。亦一方面，假如恆生指數只假穿250天平均線，之後下跌，在外國名叫「Kiss Goodbye」，通常會再展開大跌浪。

"不過，觀察千禧年至今走勢，不計 2011年歐債危機後，牛熊市未清晰的現階段，港股總共出現兩次熊市，分別為 01年科網泡沫爆破，以及 08年金融海嘯。無獨有偶，兩次恒指升越牛熊線後均未能企穩，隨後更暴跌收場。" from 蘋果
 

「大市要你滅亡，必先令你瘋狂」

另一方面，當新時代能源，南海石油等股上升後，大行出報告唱好恆指，大淡友唱好，大升浪過後，我勸大家收手，以免被大戶引君入甕。緊記，我們正在與羊共舞。

Eric Lau
Email:  erictrade1031@gmail.com

假如喜歡我的分析，或想與我互動交流，請大家到「小龍股評」Facebook Page，然後按「Like」，多謝支持！ （我會不定時係Facebook發言）

物極必反，亢龍有悔，神鬼不分，大跌必至

 假如喜歡我的分析，或想與我互動交流，請大家到「小龍股評」Facebook Page，然後按「Like」，多謝支持！ （我會不定時係Facebook發言）





Wall Street never changes, the pockets change, the stocks change, but Wall Street never changes, because human nature never changes.

物極必反，亢龍有悔，神鬼不分，大跌必至

今天恒指下跌226點(1.08%)，國指下跌263點(2.26%)，成交772億，股票升：跌比例為1：2.2。滬深300指數平收，成交772億。

• 首先，讓我們先檢察一下最近的消息。
• 中國可能減RRR＋養老金入市
• 美國失業率跌返其入主白宮後低位8.3％
• 美股創新高
• 香港股市全面做好，香港二三線股爆升，超強港匯
• 希臘通過緊縮方案，預計可跟債權人達成談判，並獲得歐盟的貸款
• 未日博士，大行唱好

首先，美國失業率首先應該係下跌。經調整後的非農職位數字，過去兩個月增加44.6萬，實則上，非季節性數字乃下跌290萬，因為大量美國市民三年內找不到工作，令到不納入勞動力人口歷史性跳升120萬至8,790萬，參與勞動比率挫至三十年新低63.7%，低收入職位大幅增加，歷史性臨時工飆升700萬等等。所以美國的經濟上亦不是復甦。

其次，小弟預計中國不會養老金入市及減RRR。第一，養老金是老百姓的資產，不少官員皆表示必須保證養老金在安全時候才能入市。但何謂安全？試問在依刻入市安全嗎？第二，中國現在進行入市／減RRR，意義何在？難道中央政府要用人民的血汗錢，目的是來讓股民賺錢嗎？第三，假若中央政府在外國大量不明朗的因素下，明天就宣佈養老金入市，上證升至高位，萬一外圍出現金融系統性崩潰的時候，後果如何？相信養老金／RRR這一發，是留下當出現金融系統性崩潰的時候，用來救市的招數。

另外，關於希臘方面，結局可能性如下

1.   談判成功，歐債危機結束，股市大升，牛三再臨。
2.   歐洲各大銀行因手持上的歐債大量減值，引起各大銀行資本不足，引起市場恐慌，股市大跌。
3.   因希臘成功Haircut，令到市場擔心其他歐洲國家都可能要求債權人大量減值，引起恐慌，股市大跌。
4.   談判失敗，趺市大跌
5. 談判失敗，但股市並無大震盪

首先，個人認為希臘好大機會會通過減債及留在歐盟。原因係因為假如希臘退出歐盟，唔用歐羅，即係叫希臘人民啲銀行戶口身家全部貶值，經濟必定崩潰。到底緊縮好，定退出好，相信希臘政府會識得選擇。但係通過左之後，到底會點？相信應該會出現上述所講(2)+(3)情況。

另一方面，不論美股港股都創下新高，而港股二三線所有股票皆升到升天。我只想講「亢龍有悔」。首先，國至將亡，必有妖孽。同樣，你可以見到跟本香港不少基本因素欠缺，老千股，全部皆升。令小弟諗起「何謂邪鬼何謂神，神鬼如何兩不分」。首先，在一月之前，全前看淡第一季，不少基金手持大量現金。但當經歷一月份的大升之後。大量基金入市追貨，令到雞犬皆升。但到底有咩原因，令到港股大升？小弟傾向相信「大市要你滅亡，必先令你瘋狂」。假如一月或二月一開始大跌，跟本無對手。股市市場係Zero Sum game，只得小數人係贏。大戶要你輸，必先引你入局。而且，個市依家跟本隨時可以大跌，因為大戶假如要殺班基金，只要用希臘既消息，一野殺落泥，跟本無仇報。連續幾天高成交無法衝破21000點，幾天大成交，開始派貨的感覺。

最後，相信暫時短期目標係回反到0.382，即恆生指數19579。亦有再夾淡倉上21400~21600，再下跌。而終極目標係15400(24962/1.618)或更低。總括而言，大市易跌難升，大家小心。

策略：小注遠收回價熊證，假若破位再加注

Eric Lau

Email: Erictrade1031@gmail.com



 假如喜歡我的分析，或想與我互動交流，請大家到「小龍股評」Facebook Page，然後按「Like」，多謝支持！ （我會不定時係Facebook發言）