終極一夾後，大市應該怎麼樣？

 

今日主要集中講港股，唔講太多宏觀。

首先，今次港股走勢跟上年6月至8月非常相似。上年6月8日開始大市在22868~21500左右橫行（約1300點），中間行左三次大既升跌浪，第一次由22868跌到21599；之後反彈到22747，再開始第二跌浪到21663；再反彈到22421，再跌到19300。而今次走勢亦非常相似由2月中至4月開始由21760~20035(約1700點），期間第一次由21760跌到20806；之後反彈到21638；之後再跌到20668，再反彈到21046；再跌到20035後再反彈；到20995。兩次跌市都經歷三次反彈，但每次反彈高位都一浪低於一浪。而成交亦係偏低。緊記上次市場一直認為21500係鐵底。而上次破鐵底係急加快。雖然唔可以肯定兩次走勢一定會重覆，純參考。而今次經已第三次反彈，難道？

而小弟亦找回上年的報紙，曾淵滄於8月2日寫：
 「美債危機算是告一段落，歐債危機雖然揮之不去，歐債問題對市場的影響力越來越小，接下來市場的焦點應該集中在上市企業所公佈的業績。」
 http://hk.apple.nextmedia.com/template/apple/art_main.php?iss_id=20110802&sec_id=15307&art_id=15485037

而張士佳在8月5日寫

「正當美國結束美債爭拗，大家都憧憬股市會重回正軌時，短短三日港股自 7月中的反彈已幾乎消磨殆盡，雖然本欄曾提及自己為防大市假突破，在臨近上月高位時趁高減持，同時見外圍波動買了保險以作對冲，不過始終以好倉為主，大市急跌，輸少已當贏。

賽後檢討永遠重要，賴三賴四，只會原地踏步，回看這一役，自己今次的確低估了大鱷的威力，過份放大對美債的注意力，反而忽視了歐債問題其實沒有任何改善，再 者，近日紛紛傳來巨企有裁員計劃，應意識到市場有打經濟衰退牌的意欲，結果接連幾個數據都令人失望，股市也被打殘。」

今日市場上認為歐債問題對市場的影響力越來越小的人愈來愈多。留意一點上次急插係8月3日開始，即係8月5日節氣轉變的日子！

我星期初經已出文提大家最後一夾可能會發生，但好可惜全地球人只係記得我係淡友，無人記得我每星期講今星期走勢。

上圖係昨日今月期指，在上圖可見不論好倉淡倉仍在加倉。問題係到底大戶想點行？好倉重倉位置有21000，21600及22000。而淡倉重倉位於20800，20400及20000。所以今明兩日期指未平倉合約係最重要，假如今日兩日大量好倉平倉，大市好大機會轉頭向下，到20400左右水平期結。留意一點的是，5月19000淡倉已經有超過3000張未平倉合約，而今日才19號。而未平倉合約只剩下85567，比昨日減了3000多張。令人懷疑大戶是否提前轉倉到下月？又玩托高轉倉？

而日元亦非常之強，短短幾日爆上81.5。有追開小弟Blog都知小弟做過correlation test關於日元及港股，而今次大市明天應該都係升，但明天大家可以考慮下收市前做淡，以21300為止蝕，20400~20600為暫時目標。（但要睇埋今晚期權才可確定）而留意一點，大市成交太少，大戶只需要好少錢就可以「畫圖」比你睇！

而我亦講過海通上市令到大市跌唔落，事實證明亦係。海通招股將於20號完結，而下星期將期指結算。我亦講過５月５日，５月１５日及６月５日前後三日將會發生我所講既大跌市，而我個人傾向會係5月5日～5月15日之間發生。注意，無人叫你訓身等跌，世上無包生仔。


但提一點，希臘將於5月6日大選。而在龍年新曆五月二十一日左右會出現日環蝕。大家可以留意下。