夾到你唔信會跌！？

首先，講一個故事比大家聽, 有一個人21200買左22200收回的熊仔。 之後佢打暈自己今日收市至醒返, 因為佢隻熊仔賺左300點。 中間過程佢完全唔知。 佢朋友亦都同一日買左22200買左熊仔。 之後佢日日睇住個市， 佢21600淆底走左bear, 之後入左牛。 之後前日跌左20600, 之後佢又放左隻牛， 買左bear。今日見到升到20900。佢又放左熊, 再入牛仔。

其實我唔係好想講期指，不過今日都講一講。大家可以睇到上面張圖。今日大家可能覺得個市升係因為個市強，但係大戶係不停係下面加緊期指PUT。由奇係20000既put。今日加左700幾張。所以睇個期指走勢，大戶係唔似睇好。 

希臘傳解決成件事真係好怪。首先，希臘係一句講預期無事就爆升上去。歐元一到 5點爆返上去1.32。 聽日係一個奇妙既日子, 第一:聽日希臘14:00講比你知過唔過到。 第二:星期五之後係假期。仲有,今日成交得644億, 如果班人收到風，成交應該會多好多。第三: 係唔係通過左一定無事? cds又唔賠, 邊有人敢仲敢買歐豬債? 第四, 今日幾次都爆唔上250ma, 收市前一野爆上, 仲要爆埋上20900。好似迫淡友投降一樣。聽日可能會爆穿埋最後防線20900~20100， 一定好多淡倉被迫止蝕。理論上應該係要走, 同埋要睇好。

大市夾倉味濃，而雖然琴日一早講左會彈到20800~20900。但係今日夾到我都有D驚。但係今日夾得好奇怪，無里頭。

總結，我唔相信希臘會無事，就算通過到亦唔表示大市唔跌（我係認會通過都係要跌）。我選擇堅守，不過大家請唔好盡信我，獨立分析。仍然目標不變。