有幾件事大家值得注意：
- 希臘個案未觸發CDS支付
- 自歐元重上1.34之後，短短幾日跌破1.32的心理關口
- MSCD, Slow Stochastic, RSI皆出背馳信號
- 美股未能企穩13000
- 期指有超過10萬張未平倉合約
首先，港股技術上應該要進行一定的回調。上升3000多點後， 理論上應至少回調到20900。但恒指仍21100~21750之橫行，時間超過十日。另一方面，期指未平倉合約超過10萬張，意味著恒指今個月會出現大波動／大單邊。好倉較大位於22000~22400。淡倉則有20000, 19000及18000。暫時無人知會點行，可能殺上去再落。又可能一直上破23000。總之今個月企錯邊一定會比人夾爆。
另外，希臘個案未觸發CDS支付，是一個利淡的消息。首先，大量私人投資者皆投資CDS作為對沖的用途，以彌補／減少希臘hair cut的損失。而希債經已肯定要hair cut 七成以上。假如CDS不作賠償，後果嚴重。第一，無人敢再買歐債；第二，對沖基金因錄得大額損失，必須沽出其他資產作調動之用。但事情仍有轉機，如果最後希臘個案觸發CDS支付，相信會賠爆莊。CDS莊家必家會沽出其他資產作賠償，最差情況係賠爆莊！
而且三月大量歐債到期，由奇係意大利。大家認為意大利最近債息下跌了不少，相信三月問題不大，加上有LTRO，應該無事。大家有無留意穆迪削希臘評級至「C」同歐盟不再接受希債作抵押品。問題就在如果評級太低同不再接受希債作抵押品，無人會再想買希債。即係希臘好難再發債。另一方面希臘，西班牙等失業率超高，希臘19.9％，西班牙23.3％，整個歐盟10.1%。大家讀過經濟都知道如果經濟唔好，政府應該擴張性財政政策(expansionary fiscal policy)去帶動經濟，並不是收縮性財政政策(contractionary fiscal policy)。而希臘經濟結構係大量市民皆是公職人員，即公務員。要將希臘債務對GDP比率於2020年前下降至120.5%真係好難！講返意大利，雖然係債息下跌了不少，但大家有無留意每次拍債個數量係好少。佢係利用求過於供既方法去禁低債息。但三月將面臨考慮，因為數量大及CDS無得賠，邊個敢買？
而且大家亦可以睇到歐洲仍然水緊，歐元區銀行部門往歐洲央行(ECB)的隔夜存款周五創下紀錄，此前歐元區金融機構利用歐洲央行提供的低利率的貸款。歐元區銀行部門周四在歐洲央行存款7769億歐元，較前一日幾乎上升2/3。即表示銀行不敢借貸。大家有無印象上次美國被降級之前，銀行因大量存款所以向存戶收費，唔知今次意味著咩？
大家再諗一點，依家股市係高位，橫行超過10日及每日700億左右成交。意味著咩？邊個買，邊個賣？如果歐洲唔掂，個CDS莊／銀行會做咩？全球最大既ATM係邊？歐元大跌又係點解 ？
之前講過2月19日係中國歷法係雨水，3月5日惊蛰，驚蟄，古稱「啟蜇」，二十四節氣之一。《月令七十二候集解》：「二月節……萬物出乎震，震為雷，故曰驚蟄，是蟄蟲驚而出走矣。」係依一日，所有冬眠既動物都會開始醒來。包括熊。而依兩日亦係江恩理論所講既轉勢日。2月19日無轉勢，驚蟄會轉勢嗎？
今個月將會好刺激，大家如果唔識玩，睇唔通就唔好玩。我係睇淡，但係我都怕大戶毒到夾上22000以上再跌！
沒有留言:
張貼留言
注意：只有此網誌的成員可以留言。