大戶核突托市，夾夾夾

 

大市單日轉向, 加大成交804億。無HSBC頂住一早跌。HSBC因為大戶想派貨, 加今日除淨, 今日抽升, 大戶可以收息+派貨。聽日無incentive再托。仲有中移動大成交跌(乜唔係好勁既咩?). 和黃/長實等單日轉向。而且3點前托市做得好明顯, 用中移動托到好核突。

注意一點，過去幾日升跌比例係唔全面，今日隨機指數（隨機買入一籃子股票）係跌0.31%，而恒子係跌0.15%。而且過去幾日成交成交量未能配合。港匯亦都變弱。仲有歐元今日1.304。玩開匯既朋友應該知道歐元係下面無咩支持位。歐元散，股市會無事嗎？

有朋友問我，歐元同股市關係依幾日好似無咩關係。我答「 依幾日好似無, 但係以前有。依家睇好似無, 其實有。人為市, 有都變做無。」仲有大家可以留意，美股跌既日子大成交，升市成交唔算多。表示咩？

同埋同大家解釋下, 點解我地比人夾。第一, 大家記得我係21000開始叫大家沽。差唔多玩成半個月, 今日收21307。中間chok泥chok去。仲係21307, 其實真係好似無玩過一樣。點解我地比人夾? 首先, 以技術上, 2月尾至3月頭, 大戶於21000~21600派左好耐貨, 而果次大跌到20400果次, 跟本破曬位。完全係可以放心沽。而且Euro完全散曬。但係估唔到佢一野夾返你上去。大家可以睇返我今個星期一我都同大家講， 依兩日可能會升， 因為我估唔到佢行到禁毒，所以諗住捱左佢。而且大戶做到好核突, 用941/13/5/1等用做托市，加上成交量唔配合，我跟本唔覺得市底係強。而且歐洲美國好明顯人為控制唔比佢跌。星期五美股結算, 可以視為一個清除佢地托市既incentive。美國佬可以放心沽爆你歐洲。大家可以留意一點, 美國佬係好想歐洲佬死! 愈近港股結算, 我愈有信心跌。

金/油/匯乜都散曬了，唯獨係股無事！？真係無事！？但係點都係要等美國期結先可以行動。仲有一個因素，日元因為太弱引起大量carry trade。由於每年3月及9月分別為日本年結及半年結月份，故此日圓於2月~3月及9月有較大的平均升幅。今年完全相反。但日元走勢太弱，只要一個夾倉。大量carry trade既投機者將會於股市中平倉。期結目標仲係19500。終極目標無變。依家只係等美國期結。

老估系列- HSBC聽日會跌+HSI聽日會跌 ，原因HSBC已經托完了- 唔係叫你加倉, 如果聽日真係跌, 應該減, 減完星期5/下星期一再算。

無QE 3，大陸開人大無料道，死亡交叉。而且我相信歐洲成件事係未完, 依家其實仲係好多壞消息, 但係有位網友同我講無壞消息。但真係無? 只要歐洲一日未完, 大戶只要用佢做借口, 2000~3000點easy job。同埋因為做高位派貨做得好明顯, 令我更加信依個目標。但係依家的確係比人夾緊, 今個星期要大跌唔可能。可能要下星期, 愈近期結, 愈大可能大跌

大家有無留意沽空開始大返。同埋期指不停加淡倉，即表示大戶托高股市，泥做淡倉！

 

睇淡原因可參考我之前的文章 http://dragon-stock.blogspot.com/2012/03/blog-post_09.html