香港過完八運將變東方之豬

今日大市升跌比例4:6左右。睇完今日既市況之後，我更加確定大跌市的假設係正確。原因唔詳細講，有緣你可能會係某個空間見到我寫既一段野講點解。注意一點，沽空比率持續回升至10.5%，這是今年1月9日兩個多月以來，沽空比率首次重越10%以上。


歐債危機我一早經已講「未解決」。首先，歐豬經濟增長同CDS賠錢既問題經已唔止講過一次。有興趣朋友可以睇返我之前所寫既文。而今日終於有報紙開始有講葡萄牙開始出事。葡萄牙CDS再次升至接近1,300點，代表葡萄牙在未來五年內，有七成機會破產。 政府債券孳息率急升，十年期政府債券息率接近14厘，五年期債息更高達20厘。買左好過抄Iphone。


仲有人開始傳葡萄牙真要削債，下，乜歐債唔係無事咩？報紙同財演唔講＋恒指升你就以為無事，事實上外圍經濟幾差你知唔知？歐羅區3月製造業PMI初值為47.7，低於預估的49.5和2月的49.0。歐羅區3月綜合PMI初值為48.7，進一步遠離50的擴張與收縮分界線，對比2月為49.3。試問歐洲其他豬國如何有能力緊縮經濟之餘，可以減赤。


中國3月匯豐制造業采購經理人指數預覽值自49.6下滑至48.1。人工貴，人民幣高，材料貴，廣東幾多工廠結業你知唔知？


GDP計算條或係GDP = C + I + G +NX ；中國NX（剩出口）經已唔掂，波海乾散貨運指數得896。政府基建減少。你可能問「阿爺講谷內需」。唔好唔記得中部份人收入仲係好低，同埋內需唔係話谷就谷。唔通我渣住支槍迫你消費。同埋中國人儲蓄率好高。唔係谷就谷。就算比你谷到，都唔會係一個數目可以救到成個經濟。


又有人講恒生指數就泥黃金交叉，後市可以看好。跟據信報資料，當中22次黃金交叉，只有12次係真升，其他屬誤鳴。而分析唔可以只睇圖表，假如聽日發生大災難／危機，比你出乜野交叉都無用。


而最大危機係美債危機。勞動人口大減，高失業率。18至24歲年齡組的失業率高達16.3%，遠遠超過25至29歲組仍是雙位數的10.3% 和總體失業率的8.8%。目前，美國債務余額達到15萬億美元，債務佔GDP比重達到了101%。美國未償還的學生貸款債務總額正在逼近1萬億美元，是15年前的15倍，還遠遠高於7980億美元的信用卡貸款總額。 大家可能講美國可以無限印銀紙，但係我想問，美國債務佔GDP比重可達到200%/300%/500%/1000%嗎？到時候，每次美國發債，全球將被渣乾。但以美國人性格，想減債無可能。到時兩個可能-打仗／賴債。 

香港亦都不好過。原因香港有人班垃圾議員！某議員成功爭取最低工資，只終唔會幫到基層市民，只會害死好多人。仲有一班高呼打倒地產霸權既議員，唔該返去讀下書先出泥選。首先，買樓有兩個功能-安居同儲存財富。無錯依家既樓係好貴，但係假如依家真係比你打倒地產霸權，樓市跌50%，香港大部份業主將會損身佢大部份既財產。而依筆財產可能佢一生既積蓄。推倒香港樓價，就好似希臘Hair cut一樣，Hair Cut 香港人既財產。

樓價抄高係因為一班抄家幫手。班抄家即係香港人！







2003/2008絕對係買樓既好時機，點解你唔買？只怪你地無本事！一班年青人，有錢買LV/IPHONE，個個月清袋。我身邊大部份同學，讀書都可以打2~3份Part Time，日日帶飯返學食，日日同我講無錢，之後用幾萬蚊去左歐洲旅行。之後你無錢買樓，關人咩事。就算樓價跌到海嘯價都唔關你事。你都無本事買。

無錯，香港依家樓價真係好貴，主因2008年海嘯之後政府引入買樓可以做投資移民。但當年如果唔係禁做，香港經濟唔會復甦禁快。97負資產，大家等排隊上IFC將會重現。

香港貧富懸殊主因係因引入大量新移民。而這不正是班高呼為民請命，成功爭取到最低工資既議員。只為爭取政治籌碼，而出賣香港利益。引入大量新移民泥香港，令到勞動人口大增。而新移民大多教育水平唔高／學歷唔承認，只可以做低技術既工作，結果拖低依D工種既人工。我有日睇電視，有一位新移民講，我以前係大陸做煤工搵500蚊一個月。依家泥香港拎綜援。人地外國國家移民係要專才／家底良好／教育水平高既人先可以移民，香港呢？外籍工人都要幫佢爭取，搞錯！我唔係岐視，我只係想講貧富懸殊主因，同埋叫班人唔好賊叫捉賊。

我從來唔信民主可以解決問題。因為我唔相信大部人做既決定係一個最好既決定，但只係一個最多人滿意既決定。 民主只會帶來爭端。黨派鬥爭更是中國歷史中經常亡國主因。但我唔係表示主持小圈子選舉。我們是需要一個有效率，少爭執，但有機制可以監視政府，而政府亦會跟市民溝通機制。新加坡經已追上香港，上海深圳一早過左香港，只欠的只是法制。香港不應過份與中國整合，依賴中國。香港應多元化發展。否則，大膽講一句，香港過埋八運(2023)正式玩完。到時香港只是中國二線成市。提早「正式」回歸中國。

講過股票，假如結算係跌穿20000點，可能後市仲有一線希望。唔會跌禁慘，但如果20000以上高位結算，只可以講15000不是夢！