天真的香港人，天真的好友

回顧過去一周，恒指累挫649點或3.04%，不但為四個月來最大單周跌幅，同時一周內連穿10天、20天、50天、250天線四關。

先講歐洲，LTRO的總金融與第一次QE的金融相當。大部份投資者皆認為會對股市因而會大幅上升。但小弟經已一早經已從不同方面跟大家分析當今局勢危機處處，LTRO對股市並無太大作用。LTRO 2為歐洲銀行提供了5295億歐元貸款，去年12月LTRO 1的提供了4890億歐元貸款，將近一萬億的錢，歐洲各銀行不但不把救助款用於相互借貸或者放貸給實體經濟，反而把所有資金重新存回歐洲央行。LTRO的貸款利息是1%，歐洲央行的隔夜存款利息是0.25%，銀行寧可虧錢存歐洲央行，證明了銀行對前景仍不樂觀。而樂觀的只有小投資者。

各國政府紛紛大幅削減開支，增長無力，則稅收一定弱過預期，債務比率也就超標，早晚觸發新的債務危機憂慮。德國PMI顯示，德國經濟面臨衰退壓力，歐洲的增長前景並未因債務危機的緩和而有明顯改善；西班牙的消減財政赤字遠未達標，10年期國債利率升回5%之上。 下一波債務危機將會來臨。

過去一週跌升比例平均都有七成。恒指雖過去一週只跌649點，表示大戶仍在托市洗倉。但香港沽空成交比率升至11.1%，短線有超賣的情況，何況下星期期結，按期指倉位來看，結算位可能是2000/20400/20600三個位機會比較大。最低應不會超過19500。但唯一擔心是20600~21200在星期五新加大量未平倉合約，怕短線會夾淡倉。期指及場外期指將會於29日及30日結算。所以恒指下星期只會Chok上Chok落。而洗倉行動仍會進行。恒指淡勢以成，過完期結淡友將會大茶飯食。而時間可能是4月5日前後。所以做左淡倉朋友，可能星期一減持手上淡倉。靜觀其變。

而梁振英當選特首不會推倒大市。依個真係好搞笑，梁振英上台嚇到大陸，歐洲，美國股票跌？梁振英上台唔會令到股市跌，而真正主因係大陸，歐洲，美國經濟經已出現問題！


而李家誠亦不會撤資。講出泥既人都唔用腦。首先，商場上無永遠既敵人。李家誠有幾多資產係香港及大陸。如果佢威脅中央後果幾嚴重。何況梁振英當選跟本唔會威脅到李家誠係香港生意。而且李先生64唔走，97唔走，依家先走？

當年97年並唔係8萬5推低樓市，而係本生樓市經已有泡沫。而香港今天樓市亦有泡沫，而香港報章及地產代理仍每天跟市民講樓價唔會跌。好肯定同你講，今日樓市只是回光後照。

正如上星期我同大家講恒指會跌一樣無人信。因為市面上報章，財演同你講牛三已到，36000 gogogo。

而且我唔相信李家誠撤資對香港有幾大影響。事實上，如果李先生真係李家誠撤資，中央只要搵幾間國企來港投資，即可取而化之。而且李生係大陸幾多碼頭同房地產。如果李生以後唔洗係大陸做生意。

香港人同班議員其實好搞笑。當年董生做特首既時候，大家話佢拖低樓價 。之後曾生上場又話會搞高樓價。依家梁振英上台又驚佢拖低樓價。我想問你班友即係想點？

當年人人怕左97，人人移民。97之後見到無野，個個又返曬泥。依家人地未上台，個個又驚佢。講真，我真係未驚過。就算極權政府，都係授命於民。不得民心者，不能得天下。我今日比得你上台，他日一樣推返到佢。23條佢過到先算。我肯定佢過唔到。樣樣野未發生就驚，不如驚下2012年12月會唔會世界未日好過。