選擇性認知；選擇性以為牛市

 今天恒指下跌202點，國指跌180點，成交縮至557億，股票升：跌比例大約為1：3。

”在選擇性認知理論(Selective Perception)中：群眾會選擇性的曲解資訊，並攻擊消息來源的可信度，也就是說，咱們只會選擇自己想聽的、想看 ...” 小弟多次寫文指出大市暗藏殺機，無人信。無錯，小弟到依家仲未證明到我所講係正確，有部份人更認為小弟變了燈神，並指出要跟小弟相反泥做。事實上大市從未企穩21619(0.618)的反彈。

 大家可以睇下過去一星期的市寬，再睇5/13/941/700。托市托到出面，大量二三線股被洗倉。再睇下恒指的DMI，大市的14天ADX由2月20號開始下跌，反映動力減弱，何況內憂外患，大市如何得升？

 而大家可以再睇下國企指數，10MA/50MA經已穿過250MA，而且DMI及MACD經已出現向淡信號！坊間簡直無人講！好友最自豪的港匯經已回弱。美國四權經已結算，季結或年結通常在 20日之後會隨時完結。仲有大家要知道日元大多會在今個月尾結算，即會回流日本，日元將會反彈，到時大量carry trade的倉將要平倉。葡萄牙公債殖利率 13.71%‧隨時變第2個希臘。

現時市場已無具有影響力的利好消息，反而負面的憂慮多籮籮，內地的政策及調控、歐債問題，隨時會令走勢逆轉。


但從博奕考慮，聽日／後天可能會夾。大市多次跌到21200左右反彈，而到21600左右水平回落。大戶必須要教育大家個市係跌唔落，所以假如明天低開，可能到21000~20900之間可能反彈，令到無人敢做淡，同時引人做好。教育大家以為20900係鐵底。當然依個只係推測，唔一定准確，所以建議大家聽日可能中午收市前只留1/4淡倉，收市前／星期三早上才加返。安全至上！但我係無叫你做好！

何況今個浪唔係幾百點回調，大家記得今個月未平倉期指係有十萬張！起碼都睇19500啦！大戶唔係食素的！係食牛的！