講到口臭唱淡無人信，大戶開餐食肥羊

今天恒指下跌459點，國指下跌351點（3.06%），成交大增至1,271億；股票升：跌比例為壓倒性的1：8。

我經已唱淡唱到口臭，但係無人信。我今日再由不同方面再同你分析下，大家唔好信班人話調整，入定價等爆升！

首先，技術上， MSCD, Slow Stochastic, RSI一早皆出背馳信號。另外，今日破曬重大支持位，包括好友最自豪的10MA/20MA/ 250MA。而且20800同20900兩個大位都破埋，下一站係20600。最下一站補裂口20300~20600。而且恒指升左4000點，回調0.382，即恆生指數19579也不奇！但大家都知我終極目標係15000或以下。大家可以睇返我之前既文http://dragon-stock.blogspot.com/2012/02/blog-post.html

 另外一個講到口臭既係歐債，首先希臘經已上個星期創左新高，係比上一個新高多左１倍。依家九成肯定希臘一定要Hair Cut。希臘債總共有高達3600 億歐元，即今次Hair Cut係要2520億。買家有歐洲銀行，對沖基金等等。班基金／銀行個個以為CDS會賠，依家唔賠。你覺得會發生咩事？你睇下HSBC，係禁減成本同賣資產。但係班基金／銀行會賣咩？賣股票羅。


再講CDS依個基本上係一個困局。引用前幾日寫既文章
「個案未觸發CDS支付，是一個利淡的消息。首先，大量私人投資者皆投資CDS作為對沖的用途，以彌補／減少希臘hair cut的損失。而希債經已肯定要hair cut 七成以上。假如CDS不作賠償，後果嚴重。第一，無人敢再買歐債；第二，對沖基金因錄得大額損失，必須沽出其他資產作調動之用。但事情仍有轉機，如果最後 希臘個案觸發CDS支付，相信會賠爆莊。CDS莊家必家會沽出其他資產作賠償，最差情況係賠爆莊！」

個市點升？

再講AIA。AIA配股500億，我琴日經已同大家講左依個會係一個跌市催化劑。而且好肯定一樣野，AIA係未跌完的！

市場上又有人講，全球央行大放水，個市一定會升返！大家有無問一個問題，D錢去曬邊？唔可以否認其中一部份入左股市。但係歐元區銀行部門往歐洲央行(ECB)的隔夜存款周五創下紀錄，此前歐元區金融機構利用歐洲央行提供的低利率的貸款。歐元區銀行部門周四在歐洲央行存款 7769億歐元，較前一日幾乎上升2/3。即表示銀行不敢借貸。大家有無印象上次美國被降級之前，銀行因大量存款所以向存戶收費。另一方面，美元／美債等全部上升，意味住咩，D錢流曬去。即係點？大戶如果真係睇好後市，點會放係銀行蝕息！而且三月又要Hair cut又係大量歐債到期，有錢都留返泥！



有人同我講基本分析！我又要反問一句基本面好嗎？ 中國放棄保八，高通帳，高油價，高匯率，貴租！大家知唔知人民幣升，玩死好多靠出口既公司。美國經濟亦不好過，首先，斷供或過期供款的按揭人士逾600萬；負資產個案逾1,000萬或 佔按揭市場28%；美國樓價中位數乃01年以來低位；汽油零售價格逼近4美元，還有高失業率（8%以上失業率仲叫好？)。波海乾散貨運指數繼續沉底，現在 700點。2010同期約2000點以上;2011同期約1200以上。試問美國是全球一個進口及消費大國，難道你真相信美國國內的製造業真的增長到可令波海乾散貨運指數大跌差不多一倍？美國經濟有幾好心照啦！


 之前講過3月5日惊蛰，驚蟄會轉勢日。事實上真係發生左。我唱淡經已講到口臭，我雖然由21000開始小注做淡，無錯我係比人夾。我係21300~21600不停加倉，今日所有成本經已recover曬，亦開始賺錢。我依半個月，我比人鬧，比人話我累死淡友。我亦同網友許下賭約，如果三月唔跌我封筆。

最後，下一站係20600，不排除有後抽，再之後就22000及19580。但係最後一定會跌，三月份大家會見不到晴天的股市！

最用我於2月11日出既文章作總結：「最後，相信暫時短期目標係回反到0.382，即恆生指數19579。亦有再夾淡倉上21400~21600，再下跌。而終極目標係15400(24962/1.618)或更低。總括而言，大市易跌難升，大家小心。」

大家睇返，我係到依刻泥講我仲係無睇錯市 。大市以收市價泥睇最高都係21650。今次鬧我既人，累死好友了！






http://dragon-stock.blogspot.com/2012/02/blog-post.html